MINI Vision Urbanaut — автокөлікпен өзара әрекет етудің жаңа тұжырымдамасы
![news](/userdata/news/news_1912/image_b.png?1612417133)
MINI көпшілікке MINI Vision Urbanaut тұжырымдамасын — автокөліктің ішкі кеңістігін ұйымдастырудың жаңа көрінісін ұсынады. Автокөліктің салоны жол жүру, демалу немесе әңгіме-дүкен құру сәтіндегі қажеттілікке қарай өзгеріп отырады. Жаңа тұжырымдама «MINI күйлері» деп аталады: Chill («Бос ұстау»), Wanderlust («Жаңалық ашу») және Vibe («Өзіңмен оңаша қалу»).
MINI күйлерінің бірін іске қосу шанақтың алдыңғы және артқы бөліктерінің түрін, сондай-ақ дөңгелек дискілерінің түрін өзгертеді. Орындықтардың қалпы, аспаптар тақтасының формасы және орындықтар арқасының орналасуы, хош иіс, дыбыс және салон жарығы өзгереді: Chill күйі автокөлікті оңаша қалу орнына айналдырады, Wanderlust автономды көлік жүргізу жүйелеріне MINI-ді басқаруды сеніп тапсырады, ал Vibe адамдармен және қоршаған ортамен байланыс орнатуға жағдай жасайды. MINI күйлерін орталық үстелдің слотында орналастырылатын MINI токені арқылы басқаруға болады.
Салонға бір үлкен жылжымалы есік арқылы өтуге болады. Интерьердің негізі — икемді орындықтардың төрт орынды үйлесімі. Екі алдыңғы орындық айналады, ал ірі артқы креслолардың арқасы жиналады және бұрылады. Тоқтап тұрған кезде аспаптар тақтасы төмен түседі және жүргізушінің креслосы жұмыс істейтін «тақтайшаға» айналады. Сондай-ақ алдыңғы әйнекті көтеріп қойып, «балконда» отырғандай сезім тудыруға болады. Салонның артқы бөлігі — опционалды жарықдиодты ішкі жарығы, мата жабыны бар қараңғылау және оңаша кеңістік.
MINI Vision Urbanaut көлігінің көп түсті фаралары мен артқы жарықтары әртүрлі түсті суреттерді көрсетеді, ал сегіз бұрышты радиатор торы автономды жүргізу жүйелері датчиктерінің панеліне айналды.
Басты қолданылатын материал — жайлылық, жұмсақтық, сапа мен қолайлылық сезімін беретін инновациялық мата. Бұл ретте MINI Vision Urbanaut моделінде автокөліктер үшін дәстүрлі хром немесе былғары жоқ.
Басқа жаңалықтар:
![news](/userdata/news/news_1936/image_m.jpg?1620813765)
Жаңа MINI John Cooper Works: көлік жүргізуден алатын экстремалды рақат.
Премиалды шағын модельдер сегментіндегі үздік спорттық автокөлік жинақы дизайнмен, жетілдірілген жабдықтарымен және жаңа операциялық жүйемен эволюцияның келесі деңгейіне өтті.
![news](/userdata/news/news_869/image_m.jpg)
MINI 60 YEARS COLLECTION эксклюзивті сериясы.
60 жылдық мерейтойына орай MINI бренді эксклюзивті үлгіні ұсынады. Сыртқы және ішкі кеңістікті безендірудегі бірегей дизайн шешімдері тек түпнұсқалықты ғана емес, сонымен қатар аты аңызға айналған британдық марка автокөлігінің маневрлігін де көрсетуге арналған.